唔講嚴肅的東西, 就講下英國的聖誕同新年 (新曆新年) 啦。英國人過聖誕等於我地香港人過農曆新年, 很多人會趁年尾清假, 再加上有幾日 bank holiday (12 月 25, 26, 1 月 1), 很多人都會趁呢段時間返 "鄉下" (英國有很多住在小鎮的年青人到大城市打工, 更不用說歐洲人了) 或者出外旅遊, 甚至一放放半個月。很多公司亦會在聖誕期間發放 bonus, 所以聖誕期間大部份公司都唔會請人, 很多人過左聖誕過埋新年, 才會遞信辭職。
英國人很重視聖誕, 視為共聚天倫的大日子 (就好似我地農曆新年要去拜年), 重視的程度係在聖誕正日 (12 月 25), 連地鐵同巴士都會停駛, 故此街上行人凋零。去到 12 月 26 日, Boxing Day, 很多時裝百貨公司都會減價 (順便在年尾清貨), 在這種氣氛下, 人們都會在一大清早到各時裝百貨門前排隊, 以搶購心頭好 (其實佢地減幅又唔太大, 只係那種氣氛催使佢地購物)。
除此之外, 倫敦著名的 Oxford Street, Regent Street 都會掛上亮麗的燈飾。
除了燈飾以外, 還有聖誕小鎮 (Christmas Market), 一間間小木屋售賣不同的手工藝品, 以及各種小食。在 Hyde Park 的那個, 還有很多機動遊戲, 就像香港的 AIA 環球嘉年華。
除了聖誕, 英國的除夕倒數也很有氣氛。在倫敦眼 (London Eye) 及大笨鐘 (Big Ben), 每年都有除夕倒數和煙花。如果要在有利位置觀賞煙花, 更加要早一兩個月上網搶購門票。
由於小弟沒有做足準備, 只能迫在 Trafalgar Square 感受一下若隱若現的煙花, 甚至連何時開始倒數十秒也不知道。
如果明年還在倫敦, 一定要早早搶購門票, 甚至 book 酒店睇煙花倒數。
當然, 對於小弟一個人離鄉別井, 每逢佳節... 還好今次回來前後都識倒一班新朋友。可能大家沒有共同嚐好及共同團體, 但因為大家都隻身到這裡, 每次見面總有說不完的話題。再加上聖誕期間有朋自遠方來, 12 月尾生活很多姿多采。
來到一月, 終於找到一份中菜館的工作。因為時數長, 就算暪稅後都有不錯的收入。但一星期返六日, 朝十一晚十一, 真係 "斷六親"... 昨天第一日返工, 卻遇上地鐵大罷工, 幸好我上班搭巴士可以不用經過市中心, 行程沒有受太大影響, 加上早了出門, 結果還是早到了, 在餐廳附近先飲咖啡。
很幸運地在今天終於得到一個工程工作的面試機會。只有短短 15 分鐘的時間, 個人認為面試表現還不錯, 本身的資歷及經驗足以應付職責需要有餘。可惜寫字樓工永遠都要 sort list, 我還是要等消息, 等消息的過程才是最難受...
為了爭取更多時間與新朋友飯局交流, 有更多時間更多生活, 我決定要繼續努力找工作 (主要係工程和司機), 期望在兩個月內可以找到理想工作, 離開中餐廳這個無間地獄...
沒有留言:
張貼留言